Kosova

“Ambasada e Kosovës në Jerusalem kundër rezolutave të OKB-së dhe të drejtës ndërkombëtare”

E martë, 2 Shkurt 2021 - 15:45 albinfo.ch

Zëdhënësi i Ministrisë së Jashtme të Turqisë, Hami Aksoy, deklaroi se angazhimi i Kosovës për të hapur ambasadë në Jerusalem përbën kundërshtim ndaj të drejtës ndërkombëtare, kryesisht ndaj rezolutave të Kombeve të Bashkuara (OKB) të miratuara për këtë çështje, transmeton Anadolu Agency (AA).

Aksoy ka dhënë përgjigje me shkrim për pyetjet lidhur me angazhimin e Kosovës për të hapur ambasadë në Jerusalem.

Duke rikujtuar se me një marrëveshje të nënshkruar dje u vendosën marrëdhëniet diplomatike mes Kosovës dhe Izraelit, Aksoy theksoi se në këtë kuadër u kuptua se Kosova është angazhuar në drejtimin për të hapur ambasadë në Jerusalem.

“Angazhimi në fjalë i Kosovës, përbën kundërshtim ndaj të drejtës ndërkombëtare, kryesisht ndaj rezolutave të Kombeve të Bashkuara (OKB) të miratuara për këtë çështje. Hapi që do të hidhet në këtë drejtim është i qartë se nuk do t‘i shërbejë kauzës palestineze dhe se do të dëmtojë vizionin për zgjidhjen me dy shtete”, tha zëdhënësi Aksoy.

 Të ngjashme

Udhëtimi në Kosovë i hap sytë politikanit të SVP-së: “Kemi paragjykuar”

 Të tjera nga Kosova

Në Parlamentin e Austrisë, të premten mbahet konferenca „Kosova në BE“

 E-Diaspora

 Jeta në Austri