Joe Biden, i pasionuar pas makinës së tij ‘Stingray Corvette’

Disa muaj para se të fillonte mandatin e tij në Shtëpinë e Bardhë, Joe Biden zbuloi historinë e dashurisë që qëndron prapa makinës Stingray Chevrolet Corvette  1967, përcjell albinfo.ch.

Tashmë, presidenti i SHBA-së, Biden, ka marrë detyrën dhe duhet të dorëzojë çelësat, nga makina e tij e preferuar: Një Chevrolet Corvette Stingray i hapur i vitit 1967. Shërbimi Sekret ndalon sunduesit të vozisin, ndërsa për presidentët gjërat janë edhe më të rrepta. Sipas rrjetit të lajmeve CNBC, edhe kur mbaron mandati i tij, një ish-president nuk mund të drejtojë kurrë më një makinë në rrugë të hapur.

“Ky mund të jetë një problem i vogël”, tha atëherë nënpresidenti Joe Biden në një intervistë të mëparshme me J.Leno, i cili pranoi se iu lut rojeve të tij të sigurisë, ndërsa ishte pranë Barak Obamës, që ta linin të digjte gomat e makinës jashtë shtëpisë së tij në Delaware. Dhe ai e bëri atë me një Caddilac CTS-V në rrugën jashtë shtëpisë së tij.

Mediat amerikane shkruajnë se dashuria e presidentit të ri për makinat filloi me babanë e tij, i cili punonte si tregtar makinash në Delaware , duke e lejuar atë të vihej në kontakt me makinat që në moshë të vogël

Duhet theksuar se Biden bleu një Chevrolet të vitit 1956, të cilin e zëvendësoi me një të përdorur në gjendje te keqe Mercedes-Benz 190SL. Pak më vonë , gruaja e parë e Neilia Hunter (e cila vdiq më 1977) erdhi në jetën e Biden duke u shoqëruar edhe me një makinë Stingray Corvette, me një motor V8 328 cc (afërsisht 5,358 cc). 350 kf) me transmision manual si dhuratë martese nga babi i Biden. /Albinfo.ch