Ari vazhdon rritjen, dollari bie

Indeksi i dollarit preku nivelin më të ulët në 2 vite e gjysmë

Çmimet e arit kanë prekur nivelin më të lartë në 2 muaj në nisje të sesionit tregtar, ndërkohë që dollari pësoi rënie, prej fitores së demokratëve në Georgia.

Nëse demokratët marrin kontrollin e Senatit, do të ketë me shumë gjasa stimuj të tjerë fiskalë.

Norma spot e arit u rrit me 0.4% në 1,956 dollarë për onz, pasi preku nivelin më të lartë në dy muaj më herët gjatë sesionit në 1,959 dollarë.

Analistët thonë se fitorja e demokratëve në Georgia krijon mundësinë e më shumë stimujve dhe rritjen e konsiderueshme të borxhit, çka është pozitive për arin, transmeton Scan.

Metali i çmuar shihet si një aktiv për tu mbrojtur nga inflacioni, që pritet të vijë nga stimujt rekord fiskalë. Indeksi i dollarit preku nivelin më të ulët në 2 vite e gjysmë, duke e bërë arin më të lirë për ta blerë nga mbajtësit e valutave të tjera, pasi kuotohet në dollarë, përcjell albinfo.ch.

Tek metalet e tjera, argjendi fitoi 0.7% në 27.7 dollarë për onz, ndërsa Platini ra me 0.2% në 1.109 dollarë për onz.

---