Mijëra të kthyer nga Kosova për një ditë: SVP kërkon teste të shpejta për ta

Shumë banorë të Zvicrës me prejardhje të huaj kanë kaluar pushimet e festave në vendlindjen e tyre. Tani ata po kthehen, dhjetëra aeroplanë nga Prishtina aterrojnë çdo ditë. SVP bën thirrje për masa

Gjatë sezonit festiv, në aeroportet zvicerane kishte më shumë gjallëri se sa kishte pasur për një kohë të gjatë – edhe për shkak të faktit se qytetarët me prejardhje të huaj vizitonin familjet në atdheun e tyre të vjetër, shkruan albinfo.ch.

Sic raporton nau.ch pushimet kanë shkaktuar kokëçarje tek autoritetet zvicerane për javë të tëra, transmeton albinfo.ch. Ekziston një frikë e madhe se shumë njerëz mund të jenë infektuar në festat familjare.

Por, “bilanci i dëmtimit” në kuptimin e numrave të infeksioneve me koronavirus do të zbulohet në ditët në vijim.

Ndërkaq, në Zvicër, rregullat gjatë ditëve të pushimit ishin të rrepta. Maksimalisht dhjetë persona janë lejuar të qëndrojnë bashkë, restorantet ishin të mbyllura dhe grumbullimet në hapësirat publike, rreptësisht të kufizuara.

Shumë persona me prejardhje të huaj kanë udhëtuar në vendin e tyre për Krishtlindje dhe Vitin e Ri. Në veçanti diaspora e madhe kosovare ka treguar gatishmëri të madhe për të udhëtuar, përcjell albinfo.ch. Të paktën kështu tregojnë aterrimet e avionëve nga Prishtina.

Vetëm më 2 janar, afër 50 aeroplanë nga kryeqyteti kosovar kanë aterruar në Aeroportin e Bazelit; më 3 Janar ishin 25 aeroplanë.

Dhjetëra avionë nga Prishtina kanë aterruar gjithashtu në pistën e Aeroportit të Cyrihut në ditët e fundit.

Kjo nuk duhet të jetë problematike sepse Kosova, për shembull, nuk është në listën federale të karantinës që nga fundi i shtatorit.

Kështu, mijëra të kthyer nga Prishtina dhe qytete të tjera mund të nisin punën e tyre dhe të takohen përsëri me miq, duke filluar nga sot.

Por pikërisht kjo është duke  shqetësuar disa, transmeton albinfo.ch. Deputetja nacionale nga SVP , Sandra Sollberger, e cila bën pjesë në komitetin e menaxhimit të partisë së saj, kërkon teste të menjëhershme të shpejta për të kthyerit, përcjell albinfo.ch.

“Njerëzit kthehen nga festimet e tyre familjare nga një vend që ka nivele shumë të larta të infeksioneve nga koronavirusi”, shpjegon deputetja nga Basellandi. Qeveria federale po i hyn “një rreziku të lartë ekstrem dhe absolutisht të pakuptueshëm”, ngre alarmin Sollerberger.

“Në Zvicër restorantet, ashensorët e skive dhe madje edhe dyqanet janë të mbyllura. Bëhen kontrolle në familje dhe ushtrohen masa të tjera të pabesueshme ndërsa në kufi thjesht nuk ndodh asgjë!”, shprehet e zemëruar Sollberger, përcjell albinfo.chHyrja në aeroport është vërtet e pakontrollueshme, por testet e shpejta do të ishin të mundshme pa asnjë problem, beson deputetja e SVP-së

Kosova ka zyrtarisht numër më të ulët të infeksioneve me koronaviorus sesa Zvicra

Një gjë është e sigurt: numri i njerëzve të infektuar me koronavirus është më i ulët në Kosovë sesa në Zvicër. Sipas shifrave të 28 dhjetorit të vlerësuara nga “SRF”, incidenca ishte 235 për 100,000 banorë në 14 ditë. Vlera për Zvicrën është rreth tri herë më e lartë.

Megjithatë, është e paqartë se sa të besueshëm janë në të vërtetë këta numra. “Një problem i madh me pandeminë në Kosovë është që njerëzit po fshehin sëmundjen e tyre,” thotë mjeku Ilir Arifi nga Bavaria për “Deutsche Welle”..

Infeksioni shoqërohet me një ndjenjë turpi. Ekziston frika se familja e e të prekurit do të stigmatizohet ose dikush do të humbasë punën e tij nga kjo.

Sido që të jetë, ofensiva e SVP për testime të shpejta të detyrueshme duket e vonuar në rastin aktual. Nëse diçka do të ndryshojë në këtë drejtim, do të zbulohet të mërkurën më shpejt.

Pra, të mërkurën Këshilli Federal mblidhet në takimin e parë zyrtar të vitit të ri.

---