Lajme
Zvicër: Vdes një person i vaksinuar, nuk dihet nëse kjo lidhet me vaksinën
Të kujtojmë, vaksinimet e para në Zvicër janë bërë në Lucern dhe në kantonet tjera të Zvicrës qendrore, më 23 dhjetor
Ka vdekur një person në Zvicër i cili është vaksinuar kundër koronavirusit në fund të dhjetorit. Nuk dihet nëse vdekja e tij ka pasur lidhje me vaksinimin.
“Ne jemi të informuar për rastin”, ka thënë një zëdhënëse e departamentit shëndetësor të kantonit të Lucernit të mërkurën për agjencinë e lajmeve Reuters.
Të kujtojmë, vaksinimet e para në Zvicër janë bërë në Lucern dhe në kantonet tjera të Zvicrës qendrore, më 23 dhjetor.
Autoritetet e kanë raportuar rastin tek Agjencia Zvicerane për Produkte Terapeutike, Swissmedic, e cila është përgjegjëse për miratimin e vaksinave, transmeton albinfo.ch. Zëdhënësja nuk ka dhënë detaje të tjera. Ajo po ashtu nuk ka dhënë ndonjë informacion nëse vdekja kishte të bënte me vaksinimin.
Deri më tani, në Zvicër janë miratuar vetëm vaksinat Pfizer dhe BioNTech. Me rastin e miratimit, Swissmedic kishte shkruar më 19 dhjetor se efektet anësore më të zakonshme të dokumentuara në studimet e bëra ishin të krahasueshme me ato pas një vaksinimi të gripit normal, përcjell albinfo.ch.
Swissmedic ishte zotuar të monitoronte nga afër sigurinë e vaksinës dhe të merrte masa nëse ndodhnin sinjale sigurie, qe thënë në atë kohë.
Ndërkohë, siç shkruan watson.ch, ky njoftim është përhapur nga Christoph Pfluger, i cili është aktiv në qarqet koronaskeptike dhe boton revistën “Zeitpunkt”. Sipas Pfluger, një banor i një shtëpie kujdesi për persona me demencë në një komunë të Lucernit ka vdekur dy ditë pas vaksinimit.
Të ngjashme
Të tjera nga Lajme
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri