Dj shqiptar që punon edhe si infermier në Gjermani

Liam Mandiaro, një Dj shqiptar me karrierë të pasur në fushën e muzikës, jeton dhe punon prej vitesh në Gjermani, transmeton albinfo.ch.

Si Dj u bë i njohur në Shqipëri nga Big Brother Albania, por që tani ka një karrierë të pasur në fushën e muzikës, ku do të veçonte shumë klube apo lokale të njohura në Shqipëri dhe Gjermani.

Ai e përshkruan Këlnin si një qytet kulture dhe traditash prej teatrove dhe muzeve të tij.

Po ashtu, Liami thotë se komuniteti shqiptar në Këln është shumë i organizuar.

“Kur u zhvendosa në Gjermani, u diplomova si infermier dhe tani punoj dhe si asistent në sallë operimi. Koncertet janë pakësuar për shkak të situatës së rënduar prej pandemisë dhe si Dj punoj vetëm në raste të veçanta”, u shpreh Liami në një intervistë. /Albinfo.ch