Tematike
Zvicër: Dështojnë të dy iniciativat, e djathta kthen rezultatin në favor të vet
Në secilin prej sondazheve kishte dalë se iniciativat do të fitonin por në fund, shoqatat e biznesit, shumica e partive të djathta dhe Këshilli Federal ishin në gjendje të bindnin njerëzit të votonin kundër
Si iniciativa e “Për kompanitë e përgjegjshme – për të mbrojtur njerëzit dhe mjedisin” ashtu dhe ajo “Për ndalimin e financimit të prodhuesve të materialeve të luftës”, kanë dështuar në kutitë e votimit.
Një ngushëllim mbetet: Tani hyn në fuqi kundër-propozimi indirekt i berë nga qeveria, shkruajnë mediat zvicerane, transmeton albinfo.ch.
Në secilin prej sondazheve kishte dalë se iniciativat do të fitonin por në fund, shoqatat e biznesit, shumica e partive të djathta dhe Këshilli Federal ishin në gjendje të bindnin njerëzit të votonin kundër.
Iniciativa popullore “Për kompanitë e përgjegjshme – për të mbrojtur njerëzit dhe mjedisin” (iniciativa e përgjegjësisë së korporatave) kërkonte që kompanitë me qendër në Zvicër t’u nënshtroheshin rregullave të detyrueshme kur bëhet fjalë për pajtueshmërinë me të drejtat e njeriut dhe standardet e mbrojtjes së mjedisit në aktivitetet e tyre globale, përcjell albinfo.ch.
Nëse një kompani nuk do të kishte përmbushur detyrimin në fjalë ajo gjithashtu do të ishte përgjegjëse për çdo dëm të shkaktuar nga filialet dhe furnizuesit e kontrolluar jashtë vendit. Parlamenti duhet të ishte marrë me zbatimin konkret të nenit përkatës kushtetues.
Tani hyn në fuqi kundër-propozimi indirekt, të cilin e ka hartuar Ministrja e Drejtësisë Karin Keller-Sutter dhe të cilin Parlamenti e ka kaluar në verë. Ligji përfshin detyrimet e raportimit për kompani të caktuara. Kur bëhet fjalë për miniera konfliktuale dhe punë të fëmijëve, kompanitë duhet gjithashtu të përmbushin detyrimet e kujdesit të duhur. Shkeljet dënohen me gjobë.
Dështon edhe iniciativa për “bizneset e luftës”
“Iniciativa për ndalimin e financimit të prodhuesve të materialeve të luftës”, po ashtu ka dështuar. Ajo ka humbur numrin e nevojshëm të kantoneve. 12 nga kantonet e numëruara tashmë është konfirmuar se e kanë hedhur poshtë kërkesën. Në të gjithë Zvicrën, gjasat janë që ajo ka humbur në shkallën prej 60 për qind.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj