Gjermani: Ulje e dukshme e infektimeve në 24 orët e fundit

Bien infektimet me COVID-19 në Gjermani, 17 561 raste në 24 orët e fundit

Instituti Robert Koch ka regjistruar 17 561 infektime të reja me COVID-19 gjatë 24 orëve të fundit në Gjermani, më pak se  ditët e kaluara, transmeton albinfo.ch.

Infektimet ditore janë ulur dukshëm, për dallim nga disa ditë më parë që ishin në mbi 22 mijë infektime ditore.

“Megjithëse rastet po rriten më pak, kjo tendencë në përhapjen e virusit nuk konsiderohet ende si një “pikë kthese” nga qeveria gjermane”, nënvizoi një zëdhënës i Institutit Robert Koch, i pyetur në lidhje këtë çështje në një konferencë shtypi.

Situata është stabilizuar, por me një nivel akoma të lartë të infektimeve, thuhet sipas Instituti Robert Koch. /Albinfo.ch

---