Ministri gjerman nuk sheh një fund të shpejtë të pandemisë

Keystone EPA/SASCHA STEINBACH

Sipas informacioneve nga Gjermania, thuhet se vendi mund të përballet edhe katër muaj të tjerë me kufizime për shkak të pandemisë së koronavirusit, theksoi dje ministri gjerman i Ekonomisë, Peter Altmaier, duke zbehur shpresat për një fund të shpejtë të kufizimeve të vendosura që prej dy javësh, transmeton albinfo.ch.

“Numri i kontaminimeve është ende shumë i lartë, edhe më i lartë se dy javë më parë”, deklaroi Peter Altmaier për të përjavshmen “Bild am Sonntag”, para një takimi të qeverisë, për të vlerësuar progresin e masave kufizuese.

“Ne do të duhet të jetojmë me masa të konsiderueshme paraprake dhe kufizime për të paktën katër ose pesë muajt e ardhshëm”, shtoi ai

“Shumë njerëz tani shpresojnë që të lirohen nga kufizimet, për rihapjen e restoranteve dhe kinemave. Por për shkak të niveleve të infeksionit që janë ende shumë të larta, ne kemi pak hapësirë ​​për manovrim”, theksoi ai.

Gjermania vendosi që prej fillimit të nëntorit kufizime të reja që parashikojnë mbylljen për një muaj të një sërë biznesesh, në gastronomi, argëtim, sport dhe kulturë.