Gjermanët duhet të përgatiten për 4-5 muaj masa të rrepta

Keystone - @acalmelor

Gjermanët duhet të përgatiten për 4-5 muaj masa të rrepta që të ndalohet shtimi i rasteve me koronavirus dhe nuk duhet të presin që masat aktuale të zbuten së shpejti, ka thënë ministri i Ekonomisë, Peter Altmaier, për “Bild am Sonntag”.

“Ne nuk mund të lejojmë që ekonomia në mënyrë konstante të hapet e mbyllet”, ka thënë Altmaier.

Gjermania ka ashpërsuar masat, duke shkuar me një mbyllje më të lehtë. Derisa restorantet janë mbyllur, shkollat dhe shitoret deri më tash mbesin të hapura, raporton agjencia Reuters, përcjell Albinfo.ch.