Kosova
Artisti shqiptar në operën e Berlinit: Teatrot duhet të hapen
Ndryshe nga Europa, Shqipëria ende i ka dyert e mbyllura të teatrove, nga ana tjetër, Kosova dje hapi për herë të parë disa teatro pas një kohe të gjatë, transmeton albinfo.ch.
Balerini dhe koreografi Andrea Rama thotë se në Berlin jeta artistike ka nisur që në qershor.
“Në Berlin lajmi i parë që do të hapeshin dhe teatrot e mbyllura erdhi në qershor. Ne patëm shfaqjen e parë në 4 korrik. Ato duhet të hapen në një audiencë të kufizuar, sepse kjo është e nevojshme. Artistët kanë zgjidhje për situatën”, tha ai.
Po ashtu, ideatori i festivalit në hapësira publike thotë se këtë eksperiencë e ka zhvilluar jo vetëm në periudhë pandemie në disa vende evropiane.
“Ideja është e thjeshtë dhe në të njëjtën kohë edhe komplekse sepse ambientet publike të japin lirinë e pafundme por është edhe pjesa ku kufizohesh për shkak të arkitekturës. Ne kemi bërë disa shfaqje, në Berlin, në Francë. Kemi realizuar shfaqje edhe me fëmijët, kontakti me ta ka qenë shumë i bukur”, shprehet koreografi.
Së bashku me të kanë ardhur edhe artistë nga Gjermania, të cilët u bënë pjesë e festivalit në hapësira publike.
“Tirana ishte vërtet surprizë për mua, pasi është hera e parë që e vizitoj dhe më frymëzoi edhe në konceptin tim koreografik bazuar mbi Bethovenin, i cili u interpretua nga fëmijët, gjithashtu edhe për kuartetin e grave”, thotë një prej tyre.
“Është me shumë rëndësi që të udhëtosh dhe të njohësh njerëz të rinj përmes performancave të tua. Arti është shumë i rëndësishëm dhe në këto kohë të vështira, njerëzit duhet të ushqehen me artin”, tha një artist tjetër.
Festivali vjen vërtet ndryshe, ku gjithçka ndodh në hapësirë publike, prova e shfaqje e performancat, me qëllim të afrojnë publikun drejt artit.
Festivali u përmbyll tek Amfiteatri i Kodrave të liqenit, ku u bënë bashkë 54 artistë. /Albinfo.ch
Të ngjashme
Të tjera nga Kosova
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?