Lajme
Si do të ndikojë, në të vërtetë, te fëmijët ky “vit i humbur”
Do të ketë humbje të konsiderueshme të mësimit. Ekspertët bien dakord që shumica e fëmijëve do të kenë mbetur prapa aty ku përndryshe do të kishin qenë, nëse shkollat nuk do të mbylleshin, papritur në mars.
Një vlerësim i fundit sugjeron që fëmijët që mësojnë nga distanca dhe që marrin udhëzime mjaft tipike do të humbasin deri në katër muaj të të mësuarit deri në kohën kur rinisin mësimet. Fëmijët që marrin udhëzime në distancë me cilësi më të ulët mund të humbin deri në 11 muaj të të mësuarit.
Fëmijët, të cilët nuk janë të angazhuar në arsim në distancë, fare mund të humbin deri në 14 muaj mësim.
“Në shumë raste, fëmijët do të jenë më shumë se një vit prapa”, paralajmëroi Brian Perkins, një profesor i asociuar i praktikës në udhëheqjen e arsimit dhe drejtor i Akademisë së Parë të Verës në Kolegjin e Mësuesve të Universitetit Columbia.
“Të tjerët do të jenë disa muaj. Por mendoj se do të shohim, në mënyrë universale, humbje”.
Ai theksoi se kjo nuk është një kritikë ndaj fëmijëve, prindërve ose mësuesve që po bëjnë çmos për të punuar në një situatë të pamundur. “Kjo është më shumë një përballje me realitetin”, tha Perkins.
Pabarazia do të jetë një problem më i madh se kurrë më parë. Ekspertët që punojnë në shëndetësi dhe arsim kanë tendencë të besojnë se shumica e problemeve të barazisë me të cilat përballen fëmijët, familjet dhe arsimtarët gjatë pandemisë COVID-19 kanë qenë gjithmonë atje. Tani, ato janë zmadhuar.
“Boshllëqet që kanë ekzistuar gjithmonë do të jenë vetëm më të gjera”, tha Nermeen Dashoush, një profesor i arsimit të fëmijërisë së hershme në Universitetin e Bostonit dhe shefi i kurrikulës në MarcoPolo Learning.
“Fëmijët, familjet e të cilëve janë të shëndetshëm fizikisht, të sigurt ekonomikisht, prindërit e të cilëve janë të disponueshëm dhe përkrahës, dhe të cilët mund të marrin siguri dhe vazhdimisht një arsim cilësor, mund të përjetojnë shqetësime emocionale afatshkurtra”, tha Steven Meyers, profesor i psikologjisë në Universitetin Roosevelt në Illinois.
Por do të ketë shumë fëmijë të tjerë që rrezikojnë të shfaqin depresion, ankth dhe kushte të tjera të shëndetit mendor.
“Këta fëmijë kanë familje që kanë humbur punë, kanë më pak burime ekonomike për të siguruar jetesën dhe kanë paqëndrueshmëri strehimi”, tha Meyers.
Fëmijët që kanë pasur probleme të mëparshme të shëndetit mendor do të jenë gjithashtu në rrezik më të lartë, shkruan “HuffPost”, përcjell albinfo.ch.
Të ngjashme
Të tjera nga Lajme
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë