Mali i Zi hap kufijtë për Kosovën, Shqipërinë dhe shtetet e rajonit

unsplash

Informacionet e fundit nga autoritetet e Malit të Zi bënë të ditur se që nga dita e nesërme do të hapë kufijtë për shtetasit e Maqedonisë së Veriut, Serbisë, Bosnjë e Hercegovinës, Shqipërisë dhe Kosovës, njoftoi drejtori i Institutit për Shëndet Publik, Boban Mugosha, transmeton albinfo.ch.

“Për hyrje në Mal të Zi me siguri se do të duhet PCR test negativ ose test serologjik ELESA”, theksoi Mugosha gjatë paraqitjes së tij në televizionin “Vijesti”.

Sipas tij, vendimi për hapjen e kufijve është marrë pas kërkesave të përfaqësuesve të turizmit.

Trupi koordinues kombëtar gjatë ditës së sotme pritet të përcaktojë detaje rreth mënyrës për hyrje në Mal të Zi. /Albinfo.ch