Lajme
Gjermani: Për 6 muaj, vetëm 4801 viza për punëtorët nga Ballkani
Ndërkaq, në vitin e kaluar po kjo ministri kishte dhënë 27.225 viza pune në bazë të të ashtuquajturës skemë të Ballkanit Perëndimor
Minitria e Punëve të Jashtme e Gjermanisë në gjysmën e parë të vitit 2020 ka lëshuar vetëm 4,801 viza për punëtorët nga Ballkani Perëndimor. Kjo del nga një përmbledhje aktuale e Ministrisë së Jashtme, për të cilën raporton “Rheinische Post”, shkruan agjencia e lajmeve dts.
Ndërkaq, në vitin e kaluar po kjo ministri kishte dhënë 27.225 viza pune në bazë të të ashtuquajturës skemë të Ballkanit Perëndimor për punëtorët nga Shqipëria, Bosnjë dhe Hercegovina, Kosova, Maqedonia e Veriut, Mali i Zi dhe Serbia, transmeton albinfo.ch.
Numri i ulët i vizave në vitin aktual vjen si pasojë e kufizimeve të udhëtimit, ndalimeve të fluturimit dhe kufizimeve të tjera në jetën publike në vendet e origjinës për shkak të krizës me koronavirusin. Prandaj, misionet diplomatike gjermane në të shumtën e kohës kanë mundur të punojnë vetëm në një masë të kufizuar ose vetëm për operacionet emergjente, thuhet në shpjegimin nga ministria në fjalë.
Por, në anën tjetër, sa i përket Agjencisë Federale të Punësimit (BA), puna me vizat nuk ishte e pasuksesshme. Midis janarit dhe qershorit, ajo tashmë ka dhënë tashmë pëlqimin e saj për të punësuar punëtorë nga Ballkani Perëndimor në 20.693 raste, përcjell albinfo.ch. Shumica e tyre, 4.731, ishin punëtorë nga Kosova, të ndjekur nga Maqedonia e Veriut (4,716) dhe Bosnja dhe Hercegovina (4,604).
Shumica e lejeve të dhëna për punësim nga ana e BA, 5,548, ishin për punëtorët e ndërtimit. Numri i lejeve, sipas agjencisë së punësimit, sigurisht ka rënë ndjeshëm që nga muaji prill për shkak të krizës së koronavirusit.
Në vitin 2019 në tërësi, ajo kishte aprovuar 62.334 vende pune për njerëzit nga Ballkani Perëndimor. Mirëpo duhet sqaruar me këtë rast se miratimi nga BA nuk bën të barazohet me lëshimin e një vize pune. Këtë të fundit, autoritetet gjermane të vizave mund ta refuzojnë për arsye të ndryshme edhe në rastet kur BA ka dhënë pëlqimin.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?