Lajme
Zvicër: Prej sot lejohen tubimet me deri 30 persona
Edhe me këtë zbutje, nuk lejohet që ndejat ose festat me një numër kaq të madh të vazhdojnë në lokale hoteliere. Atje, deri më 6 qershor vazhdon të vlejë rregulli për 4 persona në një tavolinë
Në fundjavën e Rrëshajëve, pra, duke filluar nga sot, rregulli që ndalonte grumbullimin e më shumë se 5 personave, do t`i takojë të kaluarës. Nga e shtuna sërish është e lejuar të mblidhen bashkë deri në 30 veta në një vend, shkruajnë sot të gjitha mediat zvicerane.
Moti i bukur dhe liritë e reja sigurisht do të joshin mijëra jashtë. Dhe ata këtë mund ta bëjnë duke u grumbulluar në natyrë, për të bërë grill ose për të festuar jashtë, transmeton albinfo.ch. Mirëpo, edhe me këtë zbutje, nuk lejohet që ndejat ose festat me një numër kaq të madh të vazhdojnë në lokale hoteliere.
Atje, deri më 6 qershor vazhdon të vlejë rregulli për 4 persona në një tavolinë.
Sidoqoftë, zbutja që hyn në fuqi sot, mund të shkaktojë probleme në pikat e nxehta të lokaleve të natës në qytetet e mëdha.
Si do t`i zbatojë policia rregullat e relaksuara në praktikë? Stefan Blättler, kryetar i Konferencës së Drejtorëve të Policive Kantonale deklaron në një intervistë për gazetën “Bund” se kjo do të bëhet me “takt dhe ndjeshmëri”:
“Policia me siguri nuk do të numërojë njerëzit dhe as të shpërndajë gjoba kudo në hapësirën publike. Kjo do të ishte disproporcionale me gjendjen”, ka thënë ai.
Nëse mblidhen më shumë se sa lejohet, policia vazhdon të kërkojë bashkëbisedim, përcjell albinfo.ch. Ashtu si qeveria e shtetit, edhe policia apelon për më shumë përgjegjësi personale.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?