Bizneset gjermane nuk presin kthim të shpejtë në normalitet

Ekonomia e Gjermanisë ka të ngjarë të zvogëlohet deri në 6.6% këtë vit pasi bizneset presin që do t'u duhen mesatarisht nëntë muaj para se të kthehen në normalitet pas koronavirusit, tha të enjten Instituti gjerman 'Ifo'.

 

Ifo parashikon që ekonomia më e madhe e Evropës do të rritet vitin e ardhshëm. Sondazhet e fundit sugjerojnë se Gjermania po rimëkëmbet ngadalë, pasi jeta ekonomike ishte e kufizuar në fund të marsit për shkak të koronavirusit, shkruan reuters, përcjell albinfo.ch.

Ifo, megjithatë, tha që disa biznese janë të bllokuara për rikuperime më të gjata dhe më të dhimbshme. Udhëtimi, mikpritja dhe prodhimi i makinave priten rekuperime më të gjata, ndërsa aviacioni pret që normalizimi të zgjasë 16 muaj. Ifo pret që ekonomia të tkurret 12.4% në tremujorin e dytë të vitit 2020. Në skenarin e tij më të keq, në të cilin një kthim në normal u desh 16 muaj, ekonomia do të tkurret 9.3% këtë vit dhe do të rritet 9.5% më 2021.

Në rastin më të mirë, kompanitë do të rimarrin veten brenda pesë muajve, ekonomia do të tkurret vetëm 3.9% në vitin 2020 dhe zgjerohet në 7.4% vitin e ardhshëm, përcjell tutje albinfo.ch.

 

---