Kumbulla ka vlerë më shumë se 25 milionë euro

Drejtori i Hellas Veronas, Tony D’Amico ka thënë se vlera e mbrojtësit të talentuar shqiptar, Marash Kumbulla ështe më shumë se 25 milionë euro.

Mbrojtësi 20-vjeçar i Kombëtares së Shqipërisë ishte zbulim për Veronan në stinorin debutues të tij në Serie A, ndërsa ka shënuar një gol në 18 ndeshje.

Ka kohë që emri i tij lidhet me një transferim te skuadra të mëdha si Napoli, Inter, Chelsea, Fiorentina, Manchester United, RB Leipzig, PSG, Everton, Lazio, Tottenham Hotspur e Eintracht Frankfurt.

“Vlera e tij është më shumë se 25 milionë euro”, ka thënë drejtori sportiv i Veronas për Sky Sport Italia.

“Po flasim për një mbrojtës të shkëlqyeshëm që po ka një stinor të jashtëzakonshëm, sidomos për moshën e tij. Ai do të ketë shumë oferta në tavolinë, por është shumë herët të flasim për shifra tani. Është nder për ne që kemi zhvilluar këtë lojtar në Akademinë e të rinjve”, ka tënë ai, përcjell Albinfo.ch