Kërkohet hetim ndërkombëtar për shembjen e Teatrit Kombëtar në Shqipëri

Presidenti i Shqipërisë, Ilir Meta, ka kërkuar një hetim ndërkombëtar për shembjen e Teatrit Kombëtar në Tiranë, sipas së cilit është bërë në mënyrë të paligjshme, e ndërsa u ka bërë thirrje Aleancës, si organizuese e protestës, që “të mos i përgjigjen dhunës me dhunë”.

“Mbështes fuqimisht një hetim ndërkombëtar për shkatërrimin antikushtetues, të paligjshëm dhe në mënyrën më antievropiane të Teatrit Kombëtar. Gati të bashkëpunoj me Aleancën për Mbrojtjen e Teatrit, si dhe me çdo institucion evropian dhe ndërkombëtar për kulturën. Evropa dhe bota demokratike po e kupton edhe me qartë se ç’po ndodh këtu. Mos iu përgjigjuni dhunës me dhunë, por me besim te demokracia dhe triumfi i saj mbi talebanizmin dhe oligarkinë”, tha presidenti Meta, shkruan TCH, përcjell albinfo.ch.