Lajme

Real Madrid, i interesuar për mbrojtësin shqiptar

Mbrojtësi i talentuar shqiptar, Marash Kumbulla, ka hyrë në valët e radarit të Real Madridit.

E diel, 5 Prill 2020 - 11:26 albinfo.ch

Sipas medias pranë klubit spanjoll “El Digital Bernabeu”, gjigantët e futbollit botëror po monitorjnë 20-vjeçarin e kombëtares së Shqipërisë së bashku me qendërmbrojtësin e Fiorentinës, Nikola Milenkovic.

Futbollisti serb, njësoj si Kumbulla, pëlqehet nga shumë klube të mëdha të “kontinentit të vjetër” si Manchester City dhe Barcelona.

Kumbulla, i konsideruar njëri prej talenteve më të mirë të këtij sezoni në Itali, po projektohet së bashku me Milenkovicin dhe mbrojtësin e Juventusin De Ligt si njëri prej lojtarëve që mund të zëvendësojë gjatë sezonit kapitenin Sergio Ramos në mënyrë që të reduktojnë ngarkesën e madhe që mban lideri madrilen në lojë.