Zvicër: 4840 të infektuar me koronavirus

Deri më tani, 43 njerëz kanë vdekur nga infeksioni Covid-19. 50 për qind e rasteve ishin më të rinj se 51 vjeç

Numri i të prekurve nga koronavirusi në Zvicër vazhdon të rritet me shpejtësi: Në orët e para të pasdites së të premtes ka pasur tashmë 4840 raste të konfirmuara, 952 më shumë se 24 orë më parë, njofton Zyra Federale e Shëndetit (BAG). Nga 4840 raste të testuara si pozitive, janë konfirmuar 4176, njofton srf.ch.

Deri më tani, 43 njerëz kanë vdekur nga infeksioni Covid-19. 50 për qind e rasteve ishin më të rinj se 51 vjet dhe gjysma tjetër ishin më të moshuar.

Sipas raportit të azhurnuar për situatën epidemiologjike, Kantonii i Ticinos me 230.9 raste në 100 mijë banorë, vazhdon të jetë më i prekuri. Në radhë vijnë kantonet Vaud (147.5) dhe Graubünden (80.1).

Që në mëngjesin e të premtes, u raportuan më shumë se 244,000 infeksione  në të gjithë botën, nga të cilat kanë vdekur  10.030 njerëz.

Ndërkohë Mbi 85,000 njerëz janë shëruar nga sëmundja dhe janë në gjendje të mirë shëndetësore. Burrat mbi moshën 60 vjeç janë më të prekurit

---