Shtatorja e Majlinda Kelmendi përurohet të premten në Pejë

Shtatorja e heroinës sonë sportiste, Majlinda Kelmendi, do të përurohet të premten, më 28 shkurt, në vendlindjen e saj, në Pejë.

Përurimin e shtatores do ta bëjë presidenti i Federatës Ndërkombëtare të Xhudos, Marius Vizer, i cili do të jetë i pranishëm edhe në ceremoninë e Laureatëve 2019, të organizuar nga Komiteti Olimpik i Kosovës më 27 shkurt.

Majlinda është sportistja e vetme e Kosovës me medalje Olimpike.

Ajo fitoi të artën në kategorinë -52 kg të xhudos në Lojërat Olimpike RIO 2016.