Lajme
Filmi “The News”, i regjisorit shqiptar, hap dyert për “Oscar” e “Bafta”
“The News” është një film i prodhimit shqiptar që hap dyert për çmime të mëdha
Filmi “The News”, i regjisorit shqiptar, Lorin Terezi, duket se ka goditur në shenjë që në premierë. E këtë ia ka dalë ta bëjë në një kontinent tjetër, meqë filmi ia ka hapur dyert për trofe, si “Oscar” e “Bafta”, përcjell albinfo.ch.
Thuhet se ky ka triumfuar si Filmi më i mirë në kategorinë ndërkombëtare të filmit të shkurtër në edicionin e 29-të të “FlickerFest” në Sydney të Australisë, që u mbajt prej 10 deri më 19 janar.
Vlen të theksohet se filmi “The News” ishte në mesin e rreth 200 filmave që u bënë pjesë e edicionit të sivjetshëm nga 3 mijë e 500 aplikime, që ishte një rekord për festivalin kualifikues për “Academy Awards” dhe “British Academy of Film and Television Arts”, transmeton koha.net.
Ky film, brenda 23 minutave sjell historinë e një nuseje të re dhe vjehrrës e vjehrrit të saj. Jeta e tyre e zakonshme merr një kthesë tjetër, kur nusja gjen afër burimit një kufomë. Këtu fillon një betejë mes fshatarëve, teksa policia dhe mediat zbarkojnë në fshatin e harruar. Rolin e nuses e luan aktorja nga Kosova, Albulena Kryeziu-Bokshi.
Duke lënë anash peshën e çmimit që ka marrë në ceremoninë e së dielës mbrëma, regjisori Terezi ka thënë se ky sukses për të ka një tjetër domethënie.
“Për mua shumë e rëndësishme është që një histori shqiptare i kalon kufijtë tonë dhe perceptohet dhe në një kontinent tjetër duke u vlerësuar. Kjo, përtej sotisfaksionit që të jep një çmim”, ka thënë ai.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri