Prishtinë: Anulohet një fluturim për shkak të mjegullës

Dy aeroplan janë detyruar të aterojnë në Shkup dhe Tiranë

Mjegulla ka bërë që disa fluturime në aeroportin ndërkombëtar “Adem Jashari” të aterojnë në Shkup e Tiranë.

Madje, fluturimi i paraparë i kompanisë “Turkish Airlines” në ora 19:35 është anuluar plotësisht.

Lajmin e ka konfirmuar Bujar Gashi, zyrtar për informim në aeroport. Gashi ka thënë se deri më sot nuk ka pasur vonesa të tilla.

“Po për shkak të mjegullës së dendur kemi pasur disa vonesa në aeroport. Dy aeroplanë janë detyruar të aterojnë në Shkup dhe Tiranë për shkak të mjegullës së madhe. Ndërsa një fluturim që është paraparë në orën 19:35 i “Turkish Airlines” është anuluar.

Deri sot nuk kemi pasur këso problemesh”, ka thënë ai, shkruajnë mediat kosovare, përcjell albinfo.ch.

---