Fati i keq për Drin Kokaj, diskualifikohet në lëshimin e parë

Skitari kosovar, Drin Kokaj ka përfunduar garimin në Lojërat Olimpike Dimërore për të Rinj "Lozana 2020"

Komiteti kosovar për Lojëra Olimpike ka njoftuar se garuesi Drin Kokaj ka përfunduar garimin në Lojërat Olimpike Dimërore për të Rinj “Lozana 2020” , shkruan albinfo.ch.

Sipas tyre, fati i keq e përcolli sot garuesin kosovar, pasi ai u diskualifikua pas lëshimit të parë të mbajtur në Qendrëm Skitare “Les Diasblerets” të Lozanës.

Ky është njoftimi i plotë:

Skitari ynë, Drin Kokaj, përfundoi garimin në Lojërat Olimpike Dimërore për të Rinj “Lozana 2020”.

Ashtu sikurse në sllallom të madh, fati nuk ishte me Drinin, i cili u diskualifikua pas lëshimit të parë, të mbajtur sot në Qendrën Skitare “Les Diablerets” të Lozanës.

Fillimisht Kokaj doli i 50-ti nga 77 garues, por më pas gjyqtarët gjetën një gabim gjatë lëshimit, për çka e diskualifikuan. Lëshimin nuk e përfunduan 24 garues.

Sidoqoftë, kjo është një përvojë e mirë për Drinin, i cili pati rastin të garojë në ngjarjen më të madhe sportive për të rinj.

Në “Lozana 2020” pjesëmarrëse ishte edhe skitarja tjetër, Era Shala, e cila theu këmbën gjatë përgatitjeve.

KOK iu uron më shumë suksese garuesëve tanë në garat e ardhshme ndërkombëtare

---