Pesë të vdekur e shumë të tjerë të zhdukur, pas shpërthimit të vullkanit

Shpërthimi i një vullkani në Zelandën e Re ka ngjallur edhe pyetjen pse u lejuan turistët ta vizitojnë në këtë kohë

Pesë persona kanë vdekur dhe shumë të tjerë figurojnë ende të zhdukur, pas shpërthimit të një vullkani në Zelandën e Re.

Vullkani në Gjirin e Plotit është i njohur për turistët dhe dyshohet se në mesin e të vdekurve janë shumë pasagjerë të lundrimit.

Policia bëri të ditur se afro 50 njerëz ishin në ishull gjatë kohës së shpërthimit dhe se 23 janë kthyer në kontinent, përfshirë pesë nga të vdekurit.

Sipas hetuesve, nga të zhdukurit nuk ka ende asnjë shenjë jete dhe se helikopterët e shpëtimit kanë kryer një sërë fluturimesh mbi ishull gjatë ditës së sotme.

Tashmë shumë pyetje janë ngritur lidhur me atë pse turistët u lejuan të vizitojnë këtë pjesë gjatë kësaj kohe.

---