E-Diaspora
Në Gjenevë bëhet promovimi i novelës së parë grafike në gjuhën shqipe
Më 13.12.2019, në lokalet e Universitetit të Gjenevës - UNIMAIL, do të bëhet promovimi i librit "Dimri i Gjatë i vitit 1945-Tivari", nga autorët; Anna Di Lellio dhe Dardan Luta
Të shtunën e javës që vjen, në Gjenevë bëhet promovimi i novelës së parë grafike të botuar në gjuhën shqipe.
“Nëpërmjet novelës grafike “Dimri i gjatë i vitit 1945: Tivari”, me autorë Anna Di Lellio dhe Dardan Lutën, shpaloset rrëfimi i gjithë rrugës që kanë ndjekur mijëra shqiptarë të Kosovës deri në Tivar të Malit të Zi në mars të vitit 1945. Ilustrimet e Lutës, së bashku me rrëfimin gojor të të mbijetuarve, janë bërë bashkë në novelë prej 145 faqesh, që sjell historinë autentike të disa shqiptarëve të mbijetuar në atë që njihet si Masakra e Tivarit. Aty ka edhe dokumente e skica”, thuhet veç tjerash në një artikull kushtuar kësaj novele, botuar më parë në shtypin e Kosovës.
Njoftimin për këtë eveniment me rëndësi kulturore e jep konsulli i përgjithshëm i Kosovës në Gjenevë, Ramadan Avdiu.
“Nën organizimin e Konsullatës së Përgjithshme të Republikës së Kosovës, Dhomës së Tregtisë, Industrisë dhe Shërbimeve Zvicër –Kosovë, Fondacionit të Artistëve WAY dhe Shoqatës së Studentëve Shqiptarë në Gjenevë ;
Ju noftojmë se më 13.12.2019, në lokalet e Universitetit të Gjenevës – UNIMAIL, do të bëhet promovimi i librit “Dimri i Gjatë i vitit 1945-Tivari”, nga autorët; Anna Di Lellio dhe Dardan Luta.
Është kjo novela e parë grafike e botuar në gjuhën shqipe, në të cilën pasqyrohet masakra e Tivarit (akti gjenocidal) kundër shqiptarëve në mars të vitit 1945.
Në mbrëmjen promovuese do të jenë të pranishëm autorët e librit, me të cilët do të kemi mundësinë e bashkëbisedimit.
Tubimi promovues mbahet në:
Université de Genève-UNIMAIL,
40. Boulevard du Pont d’Arve
Salla MS160, duke filluar nga Ora 18.30.
Ftoheni të merrni pjesë në këtë mbrëmje të veçantë kulturore ku do të mpleksen Historia, Letërsia dhe Artet pamore njëkohësisht”, thuhet në ftesën e dërguar nga konsulli i përgjithshëm, R.A.
Info rreth ngjarjes
- Data e fillimit13 Dhjetor 2019
- Ora18:30
- LokacioniGjenevë
- Data e përfundimit5 Dhjetor 2019 - 11:00
Të ngjashme
Të tjera nga E-Diaspora
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?