CH-Ballkani
Shqiptarët e Austrisë nisën autobusët me ndihma për në Shqipëri
Me iniciativën e Kaltrina Durmishit nga Vjena, sot janë nisur dy autobusët me paketa dhe valixhe të ndryshme të cilat do të dërgohen në Shqipëri
Tërmetet e fuqishme që kanë ‘shkundur’ Shqipërinë mëngjesin e ditës së hënë, kanë shkaktuar viktima të shumta dhe dëme materiale të panumërta. Shqiptarët e diasporës janë mobilizuar për të dhënë ndihmat e menjëhershme për Shqipërinë.
Menjëherë pas informacioneve për dëmet e mëdha që kanë shkaktuar tërmetet në Shqipëri dhe nevojën urgjente për ndihma materiale, shqiptarët në Austri janë bashkuar për të bërë grumbullimin e materialeve të nevojshme, shkruan albinfo.ch.
Me iniciativën e Kaltrina Durmishit nga Vjena, sot janë nisur dy autobusët e kompanive turistike “Bici –com” dhe “Loshi Reisen” me paketa dhe valixhe të ndryshme, të cilat do të dërgohen në Shqipëri për familjet e dëmtuara nga fatkeqësia natyrore që tronditi gjithë kombin shqiptar.
“Duke ju falënderuar bashkatdhetarëve tanë dhe gjithë atyre që kontribuan në këtë aksion modest për popullin tonë në Shqipëri, sot kemi nisur mbi 30 paketa dhe valixhe me produkte të ndryshme materiale. E kemi parë të nevojshme dhe urgjente që të grumbullojmë: veshje të trasha, xhaketa, batanije, këpucë dimri, pelena për fëmijë, materiale higjienikë e shumë të tjera”, thotë për albinfo.ch inciatorja e këtij aksioni, Kaltrina Durmishi.
Aksionet e bashkatdhetarëve tanë për ndihma, qoftë me donacione parash apo ndihma të tjera materiale, nuk do të mungojnë as gjatë ditëve të ardhshme. Tri kompani turistike janë në dispozicion çdo ditë për bartjen e donacioneve materiale për t’ i dërguar në Shqipëri.
Të ngjashme
Të tjera nga CH-Ballkani
E-Diaspora
-
“Alba Festival” mbahet në zemër të Cyrihut me “Line Up-in” më të mirë ndonjëherë Festivali më i madh mbarëshqiptar do të mbahet këtë vit në qendër të Cyrihut. Për tre...
-
Arba Kokalari dhe Adnan Dibrani, drejt Parlamentit Evropian
-
Një shqiptare do të ligjërojë në “Arizona State University”
-
Andi Boka, një rrëfim suksesi në sportin e Kanadasë
-
Humb jetën aksidentalisht i riu kosovar në Zvicër
Jeta në Austri
-
Austri: Përmbledhje e lajmeve më të fundit të ditës së sotme Austria përballet me mungesë punëtorësh, të Gjelbrit humbasin terren në garën zgjedhore në BE dhe lajme...
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?