Futboll

Sonte rifillon shitja e biletave për ndeshjen Kosovë – Angli

Kështu ka njoftuar Federata e Futbollist të Kosovës, pak ditë pasi sajti “tiks.app” ra nga përdorimi

E premte, 15 Nëntor 2019 - 20:30 albinfo.ch

Sonte, nga ora 21:30, të gjithë adhuruesit e futbollit do të kenë shansin të blejnë bileta për sfidën mes Kosovës dhe Anglisë, që do të zhvillohet te dielën në ‘Fadil Vokrri’ nga ora 18:00.

Biletat do të dalin pas pak në shitje.

Kështu ka njoftuar Federata e Futbollist të Kosovës, pak ditë pasi sajti “tiks.app” ra nga përdorimi dhe shumë pak persona siguruan bileta, derisa pati akuza për gjithçka që ndodhi.

“Federata e Futbollit e Kosovës njofton opinionin se kompania për shitjen e biletave online do të rifillojë me valën e dytë të shitjes së biletave për ndeshjen Kosovë – Angli, sonte në orën 21:30. Biletat mund t’i blini në platformën online www.tiks.app”, njofton FFk.

Për Kosovën kjo do të jetë ndeshje për statatistika, pas humbjes nga Çekia edhe amtematikisht Kosova ka humbur shansin e parë për t’u kualfikuar në Euro 2020.

Shpresat janë te Nations League, ku Kosova gjendet në play-off