Ekspozimi ndaj dritës së kaltër të ekraneve përshpejton plakjen

Ekspozimi më i madh ndaj dritës së kaltër të emetuar nga ekranet e telefonave dhe kompjuterëve përshpejton plakjen, kanë sugjeruar studimet.

Një studim i Universitetit Shtetëror Oregon mbi mizat e frutave zbuloi se thithja e valëve LED shkatërron qelizat e trurit.

Shkencëtarët vëzhguan se thjesht ekspozimi ndaj dritës blu – edhe nëse nuk shkëlqen drejtpërdrejt në sy – ajo mund të shpejtojë procesin e plakjes.

Profesori Jaga Giebultowicz, autori kryesor, tha që drita artificiale rrëzoi ‘jetëgjatësinë’ e mizave të frutave në mënyrë dramatike.

Studimi ekzaminoi efektet e këtyre valëve të zakonshme LED në këtë specie insektesh pasi ajo ndan të njëjtat tipare qelizore si njerëzit.

Mizat e ekspozuara ndaj dy cikleve 12-orëshe të dritës blu dhe errësirës patën deri në 15 për qind jetë më të shkurtër se insektet të cilat vazhdimisht jetonin në errësirë totale ose dritë natyrale.

Sidoqoftë, profesori Giebultowicz thekson se ky rezultat nuk mund të zbatohet për njerëzit pasi truri i njeriut “do të merrte shumë më pak dritë sesa truri e insekteve”.

Drita ul prodhimin e trupit të melatoninës, i cili luan një rol kryesor në rregullimin e orës së trupit, transmeton KP, përcjell albinfo.ch

Kjo mund të prishë hormonet e tjera. Si kanceri i prostatës ashtu edhe i gjirit dihet se kanë të bëjnë me hormonet.

Drita blu mund të depërtojë në shtresën më të thellë të lëkurës, duke e bërë atë më të hollë dhe më të brishtë.

---