Molliqaj llogariti vitin e kaluar me formulë, VV i merr veç 21 deputetë

Anëtari i PSD’së, Dardan Molliqaj, rreth një viti më parë kishte bërë matematika sipas të cilave ish-partia e tij, Lëvizja Vetëvendosje, do të pësonte rënie drastike si pasojë e ndarjes dhe krijimit të PSD’së.

Në emisionin Pressing të T7 (10 dhjetor 2018), Molliqaj kishte thënë se partia e Kurtit, pa PSD-në, nuk do të arrijë t’i fitojë as 32 deputetë e as të fitojë në Prishtinë.

Përveç kësaj, Molliqaj gjatë emisionit në një fletë të bardhë që kishte përpara vetes në tavolinë kishte bërë edhe matematika, sipas të cilave VV-ja në zgjedhjet e ardhshme do të merrte vetëm 21 deputetë, pavarësisht sondazheve.

Ndërkohë derisa një konstatim i tillë komentohej me skepticizëm në debat i sipër, Molliqaj fliste i bindur, duke thënë se është shumë i zoti në punën e analizave dhe matematikës.

Megjithatë, sipas rezultateve zyrtare të publikuara në faqen e Komisionit Qendror të Zgjedhjeve, asnjëra prej pretendimeve të Molliqajt nuk po del të jetë e saktë.

Vetëvendosje ka dalë e para në nivel vendi dhe pritet që t’i marrë 32 deputetët, ndërkohë në Prishtinë e ka mposhtur LDK-në me një diferencë prej rreth 4 mijë votave.

https://www.facebook.com/ZonaExpressTV/videos/554887481984012/?t=0

---