Burkhalter, më i besueshmi ndër ministrat e Zvicrës

Pas Burkhalterit që ka 87% të "votave", me një diferencë të konsiderueshme votash, gjegjësisht me 78%, vjen në radhë ministri Alain Berset nga SP/PS

Ministri i Punëve të Jashtme Didier Burkhalter, i cili gjatë vitit që po shkon ka mbajtur  edhe funksionin e Presidentit të Federatës rezulton si më i besueshmi në mesin e 7 kolegëve të tij të Qeverisë Federale. Në një sondazh të bërë nga gazeta „SonntagsZeitung“, 87 për qind të të anketuarve i kanë falur besimin ministrit gjegjësisht presidentit të tyre.

Në të vërtetë, pyetjes se a duhet të luajë Burkhalter edhe në të ardhmen një rol të rëndësishëm, 87 për qind i janë përgjigjur me Po.

Burkhalter i cili vjen nga FDP/PLR nga zona frankofone e Zvicrës, gjatë vitit 2014 ka mbajtur po ashtu edhe postin e kryesuesit të OSBE-së. Edhe në këtë post ai ka shënuar rezultate mjaft të mira për veten dhe për Zvicrën. 

Pas Burkhalterit por me një diferencë të konsiderueshme votash, gjegjësisht me 78%, vjen në radhë ministri Alain Berset nga SP/PS. Menjëherë pas tij, vendin e tretë e zë ministrja e energjetikës nga CVP/PD Doris Leuthard me 76% ndërsa në vendn e katërt është minsitrja e drejtësisë nga SP/PS Simonetta Sommaruga, e cila gëzon besimin e 76% të të pyeturve.

Eveline Widmer Schlumpf nga BDP është „zgjedhur“ nga 68% e të anketuarve dhe është ende në „zonën e tolerancës“. Ndërsa shumë më poshtë janë në këtë listë Johann Schneider –Ammann nga FDP/PLR, me 47% dhe Ueli Mauerer (SVP/UDC) me vetëm 42% të votave.