Ministri Ammann hap Forumin e Turizmit të Zvicrës

Ministri Schneider-Ammann në fjalën e tij të hapjes u fokusua në rëndësinë parësore që ka për turizmin inovacioni dhe fryma ndërmarrëse

Ministri federal i Ekonomisë, Johann Schneider-Ammann e ka hapur sot në Bernë  Forumin e tretë të turizmit të Zvicrës (TFS). Bëhet fjalë për një platformë këmbimesh të politikave të turizmit lidhur me problemet e pozicionimit turistik të Zvicrës.

Tema e TFS-së këtë vit është zhvillimi i produkteve turistke si bazament për përpunimin e suksesshëm të tregut. Përgjatë këtij forumi, përfaqësuesit  ekonomisë së turizmit dhe organizatat turistike bashkë me eksprtët ndërkombëtarë këmbejnë njohuritë dhe përvojat e tyre.

Ministri Schneider-Ammann në fjalën e tij të hapjes u fokusua në rëndësinë parësore që ka për turizmin inovacioni dhe fryma ndërmarrëse. “Mysafiri është i gatshëm të paguaj më shumë kur një produkt është i veçantë, unik“, ka thënë ministri në resorin e të cilit hyn dhe turizmi. Kualiteti dhe përkujdesja për turistët janë thelbësore për suksesin në turizëm, thuhet në një komunikatë të departamentit që udhëheq minstri në fjalë.

Më tutje Ammann ka folur për pikat qendrore të politikës së turizmit në periudhën 2016-2019. Me programin për politikën e turizmit, Qeveria Fderale synon të ndjekë ndryshimin strukturor të shkaktuar nga iniciativa e votuar kohë më parë “për banesën e dytë”.

Modernizimi i ekonomisë së turizmit, stimulimi i i zhvillimit të kualitetit dhe të produkteve, si dhe optimimi i strukturave  janë synimet që ndjek kjo politikë.