170 mijë franga në vit, vlera e krijuar e çdo të punësuari

Shumica e madhe e pagave të ulëta dhe të mesme ka vendnumëruar ndërkohë që pagat e larta dhe ato superioret kanë shënuar rritje ekstreme

Zvicra ka arritur një shkallë të pasurisë që nuk e ka pasur asnjëherë deri më tash. Rreth 170.000 franga në vit është lartësia mesatare e vlerës së krijuar me punë të çdo zvicerani të punësuar, e regjistruar në vitin 2013. Këtë konstatim e ka publikuar sot Federata e Sindikatave të Zvicrës (SGB) ndërkohë që është shprehur e pakënaqur me ndarjen e pabarabartë të këtyre të ardhurave.

Shumica e madhe e pagave të ulëta dhe të mesme ka vendnumëruar ndërkohë që pagat e larta dhe ato superioret kanë shënuar rritje ekstreme, ka thënë kretari i SGB-së Paul Rechtsteiner.

Aktualisht në Zvicër jetojnë mbi 12 mijë persona që kanë paga vjetore më të larta se gjysmë milioni franga , që është për shtatë herë më shumë se para 30 vitesh, shkruan nzz.ch. Ndërsa te milionerët ky numër është rritur madje për plot 13 herë.

Rechtsteiner më tutje ka drejtuar kritika për ngarkesën e stresit  që ka pasur “ngritje brengosëse”, pastaj për pasigurinë në rritje të vendeve të punës dhe për keqësimin e gjendjes së punëtorëve të moshuar.