Shtohet përqindja e zviceranëve që merren me sport

Njerëzit nga kantonet gjermanishtfolëse janë më shumë të dhënë pas lëvizjes se sa ata në kantonet frankofone dhe në Tesinë, kantonin e vetëm italofon

Nxitja që bëhet nga mediet, shkollat dhe opinioni publik në Zvicër për jetë më të shëndetshme përmes lëvizjes dhe sportit ka dhënë frytet e veta. Zviceranët po lëvizin gjatë kohës së lirë  gjegjësisht po merren me sport gjithnjë më shumë. Këtë konstatim e ka bërë sondazhi më i ri i realizuar nga Zyra Federale për Statistikë, i publikuar sot.

Sipas këtij sondazhi përqindja e zviceranëve që merren me sport gjatë periudhës nga viti 2002 deri në vitin 2012  është ngritur nga 63 në 72 për qind.

Sikurse edhe më parë, njerëzit nga kantonet gjermanishtfolëse janë më shumë  të dhënë pas lëvizjes dhe sportit se sa ata në kantonet frankofone dhe në Tesinë, kantonin e vetëm italofon. Konstatim tjetër i studimit është se meshkujt lëvizin pak më shumë e më shpesh se sa femrat.

Zyra Federale konsideron se lëvizjet e mjaftueshme janë të rëndësishme për shëndetin. Ai ose ajo që bën lëvizje së paku dy orë në javë redukton ndjeshëm rretzikun për të marrë sëmundje të ndryshme.