Cilat vende do të tkurren deri në vitin 2050

Në disa vende, popullsia pritet të ulet me më shumë se 15%, duke përfshirë Bullgarinë, Kroacinë, Letoninë, Lituaninë, Poloninë, Moldavinë, Rumaninë, Serbinë, Ukrainën

Deri në vitin 2050, Nigeria do të jetë më e madhe për nga numri i banorëve se Shtetet e Bashkuara dhe vendi i tretë më i populluar në planet. Nigeria nuk është i vetmi vend, popullsia e të cilit do të rritet në dekadat e ardhshme. Sipas vlerësimeve të OKB-së, kombet e Afrikës Perëndimore do të numërojnë rreth 300 milionë më shumë, ndërsa kontinenti evropian do të përballet me një rënie të madhe të numrit të banorëve, shkruan albinfo.ch.

Parashikimi i OKB-së është se deri në vitin 2100, Serbia do të humbasë më shumë se tre milionë qytetarë dhe Kroacia nuk do të bëjë asgjë më mirë. Mali i Zi do të bie nga 629 mijë aktuale deri në fund të shekullit në 449 mijë, Sllovenia do të humbasë rreth 200 mijë banorë, dhe Maqedonia më shumë se gjysmë milioni.

Sipas raportit të Prospektusit të Popullsisë Botërore të OKB-së, deri në vitin 2050, planeti do të banohet nga 9.8 miliardë njerëz, me gjysmën e rritjes së popullsisë në Afrikë. Në listën e vendeve, popullsia do të rritet më shpejt në Nigeri, Kongo, Etiopi, Tanzani dhe Uganda.

Deri në vitin 2050, gjysma e popullsisë së botës do të jetojë në nëntë vende: Indi, Nigeri, Kongo, Pakistan, Etiopi, Tanzani, Uganda dhe Indonezi.

Nga ana tjetër, pjesa më e madhe e kontinentit evropian pret një rënie të mprehtë të popullsisë. Kjo është veçanërisht e vërtetë për rajonin tonë.

Popullsia në 51 vende ose pjesë të botës pritet të bjerë në mes të 2017 dhe 2050. Në disa vende, popullsia pritet të ulet me më shumë se 15%, duke përfshirë Bullgarinë, Kroacinë, Letoninë, Lituaninë, Poloninë, Moldavinë, Rumaninë, Serbinë, Ukrainën.

---