Bota
ISIS-i merr përgjegjësinë për sulmin vetëvrasës
63 njerëz janë vrarë në Kabul të Afganistanit
Së paku 63 njerëz janë vrarë në Kabul të Afganistanit pas një shpërthimi vetëvrasës në një sallë dasmash. Ky ishte një ndër sulmet më të përgjakshme në muajt e fundit në shtetin e rrënuar nga lufta e gjatë.
Dega e të ashtuquajturit Shtet Islamik në këtë rajon e lëshoi një deklaratë në internet të dielën, përmes së cilës e mori përgjegjësinë për shpërthimin. Ky grup është bërë i njohur kohëve të fundit për shkak të sulmeve të tmerrshme kundër civilëve.
Në mesazhin e publikuar përfshihet fotografia e një burri të ri që mbante në dorë një armë të gjatë, i paraqitur si shtetas pakistanez me emrin Abu Asim. Grupi ka thënë se në këtë dasmë ishin mbledhur një grup i politeistëve, siç i quajnë ata praktikuesit e degës shiite të Islamit.
Shifra e tmerrshme e viktimave të sulmit në natën e dasmës u bë e ditur të nesërmen në mëngjes, kur Ministria e Brendshme e Afganistanit njoftoi se së paku 63 persona janë vrarë dhe më shumë se 180 të tjerë janë plagosur.
Zëdhënësi i talibanëve, Sohail Shaheen, tha përmes një postimi në internet se ky grup nuk ka lidhje me sulmin në dasmë, duke shtuar se e dënon atë dhe e ndan dhimbjen me popullin.
Presidenti i Afganistanit, Ashraf Ghani, ka shprehur ngushëllime për familjarët e viktimave dhe njoftoi se e ka anuluar pjesëmarrjen në një ceremoni për shënimin e 100-vjetorit të pavarësisë së këtij shteti nga Britania e Madhe, shkruan “Washinton Post”, përcjell Albinfo.ch.
E-Diaspora
-
Një shqiptare do të ligjërojë në “Arizona State University” Disenjatorja Krenare Rugova do të ligjërojë në “Arizona State University”...
-
Andi Boka, një rrëfim suksesi në sportin e Kanadasë
-
Humb jetën aksidentalisht i riu kosovar në Zvicër
-
Zvicër: Hapet edhe një pikë shkollore në Romanshorn
-
Kurti fton diasporën të bëhen pjesë e institucioneve të Kosovës përmes diplomacisë qytetare
Jeta në Austri
-
Austri: Përmbledhje e lajmeve më të fundit të ditës së sotme Austria përballet me mungesë punëtorësh, të Gjelbrit humbasin terren në garën zgjedhore në BE dhe lajme...
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?