Bashkatdhetarët po rikthehen; pritjet, maltretuese

Vazhdojnë kolonat nëpër pikat kufitare

Bashkatdhetarët nuk po munden të shpëtojnë nga pritjet e kolonat e gjata nëpër pikëkalimet kufitare me Serbinë, përcjell albinfo.ch.

Qendra Kombëtare për Menaxhim Kufitar ka publikuar statistikat e fundit të fluksit nëpër pikëkalimet kufitare.Në bazë të këtyre statistikave, vërehet se kolonë ka në dalje të Kosovës në kufi me Serbinë.

Nga Dheu i Bardhë janë duke pritur një orë e gjysmë për të dalë nga Kosova,  e kolona ka arritur deri në 550 metra.

Po ashtu kolonë në dalje të Kosovës ka edhe në Merdare. Atje qytetarët janë duke pritur gjysmë ore dhe kolona ka arritur deri në 250 metra, shkruan më tutje lajmi.net.
Ndërkaq në hyrje të Kosovës në këtë pikëkalim kufitar pritja është në suaza të normales dhe është vetëm 15 minuta. Sipas këtyre të dhënave nëpër të gjitha pikat e tjera kufitare si në hyrje ashtu edhe në dalje të Kosovës pritjet nuk janë më të mëdha se 15 minuta.

---