Shkurt.ch

Pulla postare me SMS

Klientët e Postës zvicerane dërgesat e tyre mund t’i dërgojnë vetëm me një sms, pa pasur nevojë për një pullë postare.

E enjte, 21 Gusht 2014 - 8:32 albinfo.ch

Pilotprojekti për një vit ishte treguar i suksesshëm, thuhet në një njoftim të Postës.

Posta zvicerane nga 1 shtatori do të startojë me pullat postare me sms. Mbi 100 dërgesa deri tani u dërguan me pulla postare me sms.

Nëse dëshironi të dërgoni një letër standard në një adresë zvicerane duhet të dërgoni fjalëkalimin “pullë” në numrin 414. Kodi që vjen me sms duhet shënuar lart në zarf.

Ky kod është i vlefshëm dhjetë ditë dhe mund të përdoret vetëm një herë. SMS postar kushton një frang, plus 20 cent për SMS.

Forumi i konsumatorëve kishte kritikuar çmimin e këtij shërbimi të ri postar. Sipas tyre, çmimi për dërgimin e një letre me “A-Post” nuk duhet të kalojë më shumë se një frang.