UPC Cablecom ofron internet falas në tërë Zvicrën

Klientët e kompanisë UPC-Cablecom do të kenë së shpejti çasja falas në internet përmes rrjetit WLAN-pa-kablorë në tërë Zvicrën dhe disa vende të Europës. Ruterat e klientëve tjerë, thuhet se, do të shërbejnë si (hotspots) mundësi për t’u kyçur me WLAN internet.

Nga fillimi i tetorit kompania e shërbimeve të internetit UPC Cablecom  planifikon të ofrojë për klientët e vet shërbim falas të internetit përmes ruterëve privat në tërë Zvicrën dhe në disa vende të Europës.

Sipas  Cablecom, projekti i emëruar Wi-Free zgjeronë rrjetin me një lidhje shtesë si rrjet i musafirëve, të cilin pastaj klientët e UPC-Cablecom do të mund ta shfrytëzojnë si „hotspot“ pa kufizim.

Këto shërbimet do të mund ti marrin plotë 700 mijë përdorues të Cablecomit. Për t’u kyçur do të mjaftojë një fjalëkalim online që do të vërë në shërbim për klientët e vet UPC-Cablecom. Poashtu përmes këtij shërbimi abonuesit mund edhe të shkyçen. Shpejtësia për trasnfer të përmbajtes e ofruar nga rrjeti Wi-Free do të jetë 5 MBit/s për pranim dhe 500 KBit/s për të dërgim. Nga ky shërbim, bën me dije kompania, rrjeti i WLAN abonuesve privat nuk do të  ketë pengesa.

Një rrejt i ngjashëm i shërbimeve falas të këtij lloji ekziston në Holandë, Poloni dhe Irland, ndërkohë që në Belgjikë dhe Gjermani është duke u punuar në këtë drejtim.

Një pilotprojekt i shërbimeve Wi-Free në Zvicër është aplikuar me sukses në shërbim të abonuesve të Cablecomit nga janari i këtij viti deri në fillim të gushtit në qytetin e St. Gallenit.