Hillari Klinton, e spiunuar nga Berlini

Shërbimet sekrete gjermane kanë spiunuar të paktën një bisedë telefonike të ish-sekretares amerikane të SHBA-së, raportuan të premten disa media gjermane.

Gazeta “Süddeutsche Zeitung” (SZ) dhe kanalet rajonale publike të radio televizionit NDR dhe WDR bazohen në dokumentet e CIA-s të siguruara nga një spiun (i agjencisë gjermane të inteligjencës BND). Mediet SZ dhe NDR janë bërë specialiste të zbulimeve muajt e fundit rreth spiunazheve që po ndodhin mes fuqive të mëdha.

Ato nuk e specifikojnë se sa larg mbrapa këto biseda gjoja janë  dëgjuar, por çështja është ngritur nga John Kerry, pasues i zonjës Klinton, me homologun e saj gjerman, Frank-Walter Steinmeier. Tre media citojnë një burim anonim në qeverinë  gjermane, sipas të cilëve biseda e zonjes Klinton është receptuar gabimisht, ndërsa ajo gjendej në një avion të qeverisë amerikane.

Por spiunimi i politikanëve amerikanë “nuk është një rast i izoluar”, thonë gazetat gjermane SZ, WDR dhe NRD. Sipas tyre, agjencia gjermane BND ka qenë gjithashtu e mandatuar nga qeveria gjermane për të “spiunuar një partner të NATO-s”, por ata nuk e specifikojnë se për cilin rast bëhet fjalë. Zbulimet e spiunimit të telefonit të Kancelares Angela Merkel nga shërbimet amerikane patën tronditur Gjermaninë dhe ende ndikojnë në marrëdhëniet gjermano-amerikane, tradicionalisht të forta.