Ekonomi
Sa është paga mesatare në Kroaci
Në prill të këtij viti, paga mesatare në Kroaci ishte 6,434 kuna (870 euro, 981 dollarë amerikanë), ndërsa niveli i papunësia në 8,5%
Kroacia shpreson të bashkohet me mekanizmin e Kursit të Këmbimit të Evropës (ERM II), dhomën e pritjes dyvjeçare për kandidatët e Eurozonës. Zagrebi shpreson të bashkohet me mekanizmin e ERM II deri në mes të 2020 dhe më pas, të mund të miratojë pas tre vitesh edhe euron.
Një letër që mban firmën e ministrit të Financave, Zdravko Maric, dhe guvernatorit të Bankës Kombëtare të Kroacisë, shpreh interesin e qeverisë malazeze për t’u bërë pjesë e këtij mekanizmi.
Ajo iu dërgua shteteve të Eurozonës dhe institucioneve të BE-së, e shoqëruar edhe me një plan mbi reformat që Kroacia do të ndërmarrë përpara se të bëhet pjesë e këtij mekanizmi.
Sipas Bankës Kombëtare Kroate, aplikimi për t’u bërë pjesë e këtij mekanizmi u mundësua nga “një përmirësim i ndjeshëm në reduktimin e pabarazive makroekonomike të vendit”, transmeton Monitor.
“Rimëkëmbja ekonomike, rritja e eksporteve, rënia e nivelit të papunësisë, rregullimi i qëndrueshëm fiskal dhe ulja e nivelit të borxhit të jashtëm janë të gjithë faktorë që kanë ndikuar që Kroacisë t’i jepej mundësia për të bërë aplikimin për t’u bërë pjesë e ERM II. Në marrëveshje me institucionet e BE-së, Kroacia u angazhua në zbatimin e reformave kryesisht në gjashtë fusha kryesore, si dhe në përmirësimin e administratës së sektorit publik dhe në reduktimin e barrës administrative dhe financiare për ekonominë, përcjell albinfo.ch.
Edhe pse Kroacia është bërë pjesë e Bashkimit Evropian që në vitin 2013, ekonomia e saj mbetet një nga më të dobëtat. Në prill të këtij viti, paga mesatare në Kroaci ishte 6,434 kuna (870 euro, 981 dollarë amerikanë), ndërsa niveli i papunësia në 8,5%.
Teksa zyrtarët theksojnë përfitimet e anëtarësimit në mekanizmin ERM II, rreth 80% e depozitave bankare janë në euro dhe partnerët kryesorë tregtarë të Kroacisë ndodhen po në Eurozonë. Kroacia po ndjek hapat e Bullgarisë për të miratuar monedhën e përbashkët. Bullgaria u bë pjesë e BE-së në 2007 dhe shpreson të përfshihet në dhomën e pritjes së euros në gjysmën e dytë të këtij viti.
Të ngjashme
Të tjera nga Ekonomi
E-Diaspora
-
Presidentja Osmani: Regjistrohuni, mërgimtarë! Presidentja e Kosovës, Vjosa Osmani, ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë