Swift, artistja më e paguar në botë

Revista “Forbes” ka shpallur 100 personat më të paguar në botë. Listës i prin një këngëtare. Këngëtarja Taylor Swift është shpallur artistja më e paguar në botë.
Swift përcillet nga klani Kardashian, me Kylie Jennerin e reperin Kanye West.
Në top-dhjetëshen e kësaj liste janë edhe futbollistët Lionel Messi, Cristiano Ronaldo dhe Neymari, transmeton albinbfo.ch.
Listën e mbyllin këngëtari britanik Ed Sheeran dhe rok-bendi “The Eagles” që fitoi para për shkak të turneut botëror që nisi gjatë vitit 2018.
Reperi West është rikthyer në listë pas katër vjetësh mungesë. Vlerësohet se gjatë vitit 2019, ai fitoi 150 milionë dollarë.
185 milionë dollarë fitime e bënë Swiftin ta rrëmbejë pozitën e parë. Këtë sukses ajo e korri në turneun botëror “Reputation” dhe sidomos me albumin e saj “1989”.
Jenner, motra prej nëne e Kim, Khloe e Kourtney Kardashian, u pozicionua në vendin e dytë me 170 milionë dollarë fitime.
E, në listën e 100 më të paguarve në botë, së bashku arrijnë në 6.3 miliardë dollarë për 12 muajt e fundit.