Lajme
Arbela Statovci, kryetare e FDP-së në komunën Wallisellen të Cyrihut
Arbela Statovci është sipërmarrëse, drejtoreshë në Departamentin e Medias dhe Komunikimit në Institutin për Sipërmarrësit e Rinj
Politikania e re, Arbela Statovci, u emërua nga anëtarët e bordit të ri të FDP-së në Wallisellen kryetare e partisë në këtë komunën ku ajo jeton, në Wallisellen të Kantonit të Cyrihut.
Bordi i FDP-së në këtë komunë, duke i dhënë besimin Arbela Statovcit, ka treguar besimin në udhëheqjen e re si një shenjë përparimi, kurajoje dhe sinqeriteti, thuhet në një komunikatë të FDP-së, transmeton albinfo.ch.
Ajo që konsiderohet të jetë e qëndrueshme dhe e shëndetshme për natyrën është gjithashtu një mundësi për kompanitë, shoqatat dhe partitë politike: diversiteti. Studime të ndryshme kanë treguar se ekipet ndërkulturore, të përziera gjinore me punonjësit e rinj dhe të moshuar arrijnë rezultatet më të mira. Perspektivat endryshme, të sjella në ekip nga punonjësit e kulturave të ndryshme, mund të pasurojnë të gjithë. Kështu krijohen mënyra të reja të të menduarit, krijohen qasje të tjera dhe fitohet në kreativitet. Kjo jo vetëm që zhvillon njerëzit profesionalisht, por edhe personalisht.
Arbela Statovci është sipërmarrëse, drejtoreshë në Departamentin e Medias dhe Komunikimit në Institutin për Sipërmarrësit e Rinj dhe mban një diplomë Master në Ekonomi. Për më tepër, Arbela është e angazhuar për rininë në komunën e saj dhe në Kantonin e Cyrihut.
Ajo vepron si mentore dhe trajnere, duke promovuar dhe inkurajuar pjesëmarrjen e rinisë në zhvillimet shoqërore. Gjithashtu në kolegjin ku studion, ajo avokon në bord që studentëve t`u hapet dera e duhur për të realizuar ëndrrat dhe vizionet e tyre.
Arbela Statovci u lind më 25 shkurt të vitit 1988 në Prishtinë. Në moshën trivjeçare u shpërngul në Zvicër me familjen, ku edhe filloi e ndërtoi karrierën e saj. Studimet Bachelor i filloi në Shkenca të komunikimit, kurse masterin në Shkencat ekonomike. Një vit të shkollimit e ka kryer në Australi, ndërkaq është pronare e kompanisë ‘’Massgekocht. AG’’. Po ashtu, punon si menaxhere e departamentit Media dhe komunikim në Institutin e Ndërmarrësisë (IFJ).
Statovci u bë e njohur për opinionin e gjerë në diasporë, po dhe në Kosovë, gjatë fushatës zgjedhore për Parlamentin e Kantonit të Cyrihut, të zhvilluar në prill të këtij viti.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?