Ish-shefi i Interpol-it pranon se ka marrë ryshfet

Kina tha se ish-shefi i Interpol-it, Meng Hongwei, ka pranuar në gjyq se ka marrë mbi dy milionë dollarë ryshfet. 

Media shtetërore tha se gjykata në qytetin Tianjin do ta shqiptojë vendimin e saj në një datë të mëvonshme. 

Meng, i cili ka qenë udhëheqësi i parë kinez i Agjencisë ndërkombëtare të policisë, është zhdukur në një udhëtim nga Franca për në Kinë shtatorin e kaluar. 

Pekini më pas ka konfirmuar se ai është arrestuar, në kuadër të luftës së presidetit kinez, Xi Jinping, kundër korrupsionit. 

Gruaja e Mengut, e cila është në Francë, ka thënë se akuzat kundër tij janë të motivuara politikisht, shkruan rel, përcjell albinfo.ch. 

Në maj asaj i është dhënë azil politik në Francë për shkak të frikës se ajo dhe fëmijët e saj mund të rrëmbeheshin. 

Meng, 65 vjeç, i cili ka jetuar në Francë, ka dhënë dorëheqje si president i Interpolit, pasi është arrestuar nga autoritetet kineze.