Diaspora në Londër e pret me protesta Kryeministrin e Shqipërisë

Kryeministri i Shqipërisë, Edi Rama, po qëndron në një vizitë në Londër, por atje nuk është pritur mirë nga mërgata shqiptare që jeton në këtë vend.

Dega e Partisë Demokratike në kryeqytetin britanik, e mbështetur edhe nga shqiptarë që jetojnë e punojnë atje, janë mbledhur fillimisht para hotelit ku qëndroi kryeministri, e më pas edhe në sallën ku zhvillohej takimi, ku Rama do të marrë pjesë ditën e sotme dhe kanë protestuar kundër tij, raporton oranews, transmeton albinfo.ch.

Ata e kanë quajtur atë ‘mashtrues’ dhe kanë bërë thirrje “Rama Ik”, derisa  Rama u është përgjigjur me një buzëqeshje ironike.

Kryetari i PD-së në Londër, Naim Hasani, gjatë fjalës së mbajtur në protestë tha se Rama duhet të largohet, pasi ka vjedhur zgjedhjet dhe ka kapur drejtësinë.