Turistët e huaj “pushtojnë” Himarën

Italianë, amerikanë, japonezë dhe turistë nga Argjentina e Largët po pushojnë këto ditë në Himarë.

Qyteza buzë malit e plazhet buzë Jonit po tërheqin gjithmonë e  më shumë turistët e huaj.

Ata që e vizitojnë për herë të parë thonë se do të kthehen.

 “Jam nga SHBA dhe më pëlqen këtu. Natyra dhe deti janë të bukur. Më herët kam vizituar Tiranën, Durrësin dhe Alpet shqiptare”, thotë një turist.

Me rritjen e temperaturave, bizneset dhe banorët e zonës presin që turistët të shtohen.

 “Nuk na kanë ndihmuar temperaturat sepse kanë qenë të ulëta. Tani që është rregulluar koha shpresojmë të rritet turizmi dhe të vijnë të huajt”, ka thënë një banor.

Kryebashkiaku Jorgo Goro thotë se vit pas viti numri i pueshuesve shënon rrirje me 10%, ndërsa biznesi i është përgjigjur me përmirësim të shërbimit.

Himara cilësohet një nga perlat turistike të vendit, ndërsa veç detit, malit e kulinarisë, ofron edhe turizmin kulturor./Ora News/