Kosova
Fonde për katedralen e Parisit, trashëgimia e Kosovës në rrezik
Muzeu Etnologjik i Prishtinës, dikur shtëpi banimi për familjen e Emin Gjikollit, është i mbyllur për vizitorët.
Restaurimi i një prej objekteve më të vizituara në kryeqytet, ka nisur para rreth dy vjetësh.
Në organizatën Trashëgimia Kulturore pa Kufij tregojnë se punimet nuk po përfundojnë shkaku i keqmenaxhimit të buxhetit.
Përveç Muzeut Etnologjik, që daton nga shekulli i 18-të, Kosova ka edhe rreth 1,500 monumente të tjera kulturore, por pak prej tyre plotësojnë kushtet elementare për vizitorë.
Ndërkohë, Qeveria e Kosovës ka paralajmëruar se do të ndajë para nga buxheti i shtetit për ta ndihmuar rindërtimin e Notre Dame-s, në një nga vendet më të fuqishme të BE-së.
Kryeministri Ramush Haradinaj pritet që të enjten të propozojë në Qeveri ndarjen e parave për katedralen që u dogj në Paris.
Kjo është pritur me shumë kritika në Prishtinë.
Deputeti i LDK-së, Lumir Abdixhiku tha se Franca nuk ka nevojë për këto para, por për to janë në nevojë kosovarët që po përballen me mungesë fondesh për shërim, e atyre u kërkohen edhe gjëra bazike, sikur janë dorëzat sterile për lindje.
Kurse, kryetari i Prishtinës, Shpend Ahmeti, ka kërkuar që në vend se të ndihmohet Franca, Qeveria t’i ridestinojë paratë për strehim dhe renovim të shtëpive të disa rasteve të rënda sociale.
Por, Haradinaj është arsyetuar se shuma do të jetë simbolike, e Kosova është shtet mik i Francës.
Këtë propozim, kryeministri e bëri të mërkurën në takimin e Forumit të Nivelit të Lartë për Koordinimin e Donatorëve, raporton ktv, përcjell albinfo.ch.
E-Diaspora
-
Merakli t’kerreve: U ndihmojmë mërgimtarëve veçmas në kufij Marakli t’kerreve vitin e kaluar organizuan “Diaspora Meeting”, duke dhënë spektakël me markat e veturave luksoze...
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë