Zvicër: Boxpromotion me Nuri Seferin e Arnold Gjergjajn

Nuri Seferi e Arnold Gjergjaj kthehen në ring me eventin Boxpromotion që do të mbahët më 25 maj 2019 në palestrën sportive Grossmat në Kirchberg BE.

Boksieri shqiptar Nuri Seferi kthehet në ring pas një periudhe të gjatë rehabilitimi.

Në faqën e tij ne Facebook Seferi ka shprehur mirënjohje për adhuruesit e tij duke bërë të ditur njëherit se në këtë event në ring do të ngjiten emra të njohur të boksit shqiptar në Zvicër.  Eventi i paralajmëruar  tregon poashtu në gjendje gatshmërie për duel edhe boksierin tjetër të njohur shqiptar, Arnold Gjergjajn.

Seferi njofton se kundërshtari i tij do të jetë boksieri gjerman, Kai Kurwaha.

“Kundërshtari im është gjermani me shumë përvojë, Kai Kurwaha, i cili gëzon famë botërore. Gjithashtu do të zhvillohen 4 ndeshje profesioniste ku do të boksojnë shqiptarë tashmë të afirmuar edhe në arenën ndëkombëtare”.

Seferi mes tjerash ai ka shprehur mirënjohje për fansat e tij duke shkruar; “Sigurisht që dua ta falënderoj nga zemra çdo Shqiptar që po jep kontributin e tij në realizimin e këtij eventi, që për mua mban vetëm një emër -Mirënjohje.”

Nuri Seferi ka shkruar sy ky do jetë starti tij  madhështor.

“N.S BOXPROMOTION do të zhvillojmë një event sportiv madhështor, që do të jetë edhe starti im mbas një periudhe të gjatë rehabilitimi, si pasoj e një operacioni të veshtirë”.

Në këtë  event do të zhvillohen  katër ndeshje profesioniste me boksierë shqiptarë të afirmuar edhe në arenën ndërkombëtare.

Albinfo.ch është sponzor medial i këtij eventi.

---