“Ford“ shkurton 5.000 vende pune në Gjermani

Ford, prodhuesi i njohur amerikan i veturave, ka njoftuar për shkurtimin e mbi 5.000 vendeve të punës në Gjermani.

Fordi ka thënë për mediat se i paraqiti sot të gjithë punonjësve të saj, pa dallim mes qendrave, një program për pension të parakohshëm apo largime vullnetare me derdhjen e dëmshpërblimit në rast të ndërprerjes së kontratës të punës me afat të pacaktuar.

Ford po synon të rivendosë sa më shpejt të jetë e mundur një aktivitet fitimprurës në Evropë.

Gjithashtu, Fordi nuk përmendi mbylljen e qendrave specifike në Gjermani, as nuk renditi shkurtime të tjera të vendeve të punës në shtete të tjera që prekeshin nga ky plan. Fordi punëson mbi 24.000 persona në Gjermani, 18.000 në Këln, 6.000 në Saarlouis dhe rreth 200 në Aachen dhe ka një numër të përgjithshëm prej 53.000 të punësuarve në Evropë.