Spektakël lulesh në Kaliforni

Një lulëzim i mahnitshëm me lule të egra ka mbuluar kodrën në Liqenin Elsinore, në juglindje të Los Anxhelosit, disa javë pasi ky rajon u përfshi nga reshjet e mëdha të shiut.

Lulëzimi ka lënë kodrat e mbuluar me pika të arta dhe portokalli, diçka që kryebashkiaku Steve Manos shpreson t’i sjellë turistët në këtë zonë.

“Falë shiut, viti 2019 premton një ngjarje të super-lulëzimit, siç nuk kemi parë në disa vjet”, thotë Manos. “Kjo duhet të tërheqë mijëra njerëz për të vëzhguar lulet … do të vazhdojë rreth një muaj dhe ne jemi të ngazëllyer për t’i pritur vizitorët këtu në Liqenin Elsinore”, shton ai.

Lulet kanë krijuar një spektakël të tillë dhe njerëzit kanë filluar të ecin mes tyre.  “Është dicka e rrallë, nuk e shihni atë çdo ditë”, thotë Tony Briant, një banor vendas.

Përndryshe, lulet e egra lulëzojnë çdo pranverë në Kaliforni, por shfaqja e këtij viti pritet të jetë veçanërisht e dendur dhe e përhapur pas javëve të shiut të rëndë në rajon.